Die R2 is ‘n baie aktiewe Christen-organisasie en kom elke Donderdag gedurende pouse bymekaar.  Daar word Dinsdag- Woensdag- en Donderdagoggende, voor skool, ‘n gebedsbyeenkoms gehou.  Die groep het gedurende die 1ste kwartaal  “Faith like potatoes” gekyk en ‘n pretmiddag is gehou waartydens ‘n groot groep leerders aan speletjies deelgeneem het.  ‘n Motiveringspreker het die groep ook kom toespreek.  Gedurende die 2de kwartaal gaan Fanie Bolleurs die groep kom toespreek.  Die groep het vanaf ongeveer 10 leerders aan die begin van die jaar tot 60 leerders gegroei.  Baie dankie aan me. Anneen le Roux, me. Niekie Burger en hulle komitee vir hul entoesiasme en toewyding tot ‘n baie belangrike aspek van ons skool- die geestelike sy van ons kinders se opvoeding!